Yığmamız Avropa çempionatında yenə böyük hesabla məğlub oldu
19 yaşadək qadın futbolçulardan ibarət Azərbaycan millisi Avropa çempionatının seçmə mərhələsində ikinci oyununu keçirib.
"Mediasport" xəbər verir ki, 6-cı qrupda yer alan kollektiv Çexiya yığması ilə qarşılaşıb.
Bu dəfə də görüş rəqibin böyükhesablı qələbəsi ilə yekunlaşıb - 9:0.
U-19 aprelin 17-də 3-cü tur çərçivəsində Gürcüstan seçməsi ilə üz-üzə gələcək.
Xatırladaq ki, komandamız ilk turda Xorvatiyaya 0:6 hesabı ilə uduzub.
