Avroliqada PÜŞK atılır: "Qarabağ" ÇL-də mərhələni keçə bilməsə...
Bu gün Avropa Liqasının III təsnifat mərhələsinin püşkatma mərasimi baş tutacaq.
"Mediasport" xəbər verir ki, UEFA-nın İsveçrənin Nyon şəhərində yerləşən mənzil-qərargahında baş tutacaq tədbir Bakı vaxtilə saat 15:00-da başlanacaq.
Püşkatmada Azərbaycan çempionu "Qarabağ"ın da potensial rəqibləri məlum olacaq. Ağdam klubu UEFA Çempionlar Liqasında mərhələ adlamasa, yoluna Avroliqada davam edəcək.
"Köhlən atlar" 3 cütün qalibindən biri ilə qarşılaşa bilər:
RFŞ (Latviya) - "Malmö" (İsveç)
"Riyeka" (Xorvatiya) - "Ludoqorets" (Bolqarıstan)
"Linkoln" (Cəbəllütariq) - "Srvena Zvezda" (Serbiya)
Avropa Liqasında III mərhələnin ilk oyunları avqustun 7-də, cavab görüşləri bir həftə sonra baş tutacaq.
