Millimiz Türkiyəyə yollandı
İdman karatesi (WKF) üzrə Azərbaycan milli komandası III MDB oyunlarına hazırlıq məqsədilə Türkiyəyə yollanıb.
"Mediasport" xəbər verir ki, yığmamız 21-24 avqust aralığında İstanbulda təşkil olunacaq "Uluslararası Marmara Cup Turnuvası" beynəlxalq yarışında gücünü sınayacaq.
Yığmamız avqustun 25-dən 31-dək "Gənclik Kampı" təlim-məşq toplanışlarında iştirak edəcək.
Milli komanda baş məşqçi Şahin Atamovun rəhbərliyi altında turnir və hazırlıq prosesinə qatılacaq.
