"Neftçi"nin sabiq məşqçisi bölgə klubunu çalışdıracaq - RƏSMİ
2-ci Liqada mübarizə aparan "Araz Saatlı"nın yeni baş məşqçisi məlum olub.
"Mediasport"a verilən məlumata görə, Aran təmsilçisi "A" kateqoriyalı mütəxəssis Asim İbrahimova tapşırılıb.
Onunla mövsümün sonuna qədər müddəti əhatə edəcək müqavilə bağlanıb.
Asim İbrahimov daha əvvəl MOİK, “Qaradağ Lökbatan”, “İnter”, “Turan” və “Neftçi”də çalışıb. O, həmçinin, Ukrayna, Türkiyə və son olaraq Moldova klublarında da məşqçilik edib.
İbrahimov "Şəfa"ya 0:10 hesablı məğlubiyyətdən sonra istefa verən Şəhriyar Məmmədovu əvəz edəcək.
Qeyd edək ki, lider "Şahdağ Qusar"dan 24 xal geri qalan Saatlı klubu 14 komandalı liqada 18 turdan sonra 28 xalla 7-ci pillədə qərarlaşıb.
