"Qarabağ"ın Bolqarıstan klubu ilə yoldaşlıq oyunu ləğv edildi
"Qarabağ"ın Avstriyada baş tutacaq yoldaşlıq oyunlarından biri ləğv edilib.
"Mediasport" xəbər verir ki, Ağdam təmsilçisinin iyunun 27-də ÇSKA (Bolqarıstan) ilə nəzərdə tutulan matçı keçirilməyəcək.
Buna səbəb komandaların UEFA Avropa Liqasının 2-ci təsnifatında bir-biri ilə qarşılaşmaq ehtimalının mövcud olmasıdır.
"Atlılar" iyunun 22-dən iyulun 2-dək Avstriyanın Tirol əyalətində hazırlıq keçəcək.
Xatırladaq ki, Qurban Qurbanovun komandası iyulun 1-i "Metallist 1925" (Ukrayna) və "Ferensvaroş"la yoxlama oyununda üz-üzə gələcək.
