Yeni sponsorun "Mingəçevir"ə ayırdığı məbləğ müəyyənləşdi
Bu ilin yanvarında azərbaycanlı iş adamı Adnan Əhmədzadəyə məxsus ASTA (Azerbaijan Sport Talents Academy) ilə müqavilə bağlayan "Mingəçevir" futbol klubuna cari mövsümün sonuna qədər ayrılan məbləğ müəyyənləşib.
"Mediasport"a verilən məlumata görə, sabiq SOCAR rəsmisinin sponsorluğuna keçən bölgə təmsilçisinə 500 min manat maliyyə ayrılıb.
İnformasiyaya görə, vəsait Adnan Əhmədzadənin klubda əsas kadrı sayılan baş mühasibin nəzarəti altında xərclənir.
Sponsorluq müqaviləsindən bu yana yalnız "Zaqatala" və "Qəbələ"yə məğlub olan Füzuli Məmmədovun komandası hazırda 1-ci Liqada geridə qalan 20 turdan sonra 21 xalla turnir cədvəlinin 7-ci pilləsində qərarlaşıb.
Çempionatdan düşmək təhlükəsindən, demək olar, uzaqlaşan kollektivin növbəti mövsüm daha iddialı çıxış edəcəyi, 2027/2028-ci illər mövsümü üçün Premyer Liqa üçün oynayacağı bildirilir.
