AFFA İntizam Komitəsindən Ramiz Məmmədov və klubuna ağır cəza
AFFA İntizam Komitəsi 1-ci liqada yarışan "Mingəçevir" və baş məşqçisi Ramiz Məmmədov haqda ağır cəza qərarı çıxarıb.
"Mediasport" xəbər verir ki, təcrübəli mütəxəssis 4 oyunluq diskvalifikasiya edilib.
Buna Məmmədovun 15-ci turun "Şəfa" ilə matçının 45-ci dəqiqəsində hakimi söyməsi səbəb olub.
Bölgə komandasına 3000 manat cərimə kəsilib.
Xatırladaq ki, dünən Binədə keçirilmiş görüş 2:2 hesabı ilə başa çatıb.
