Azərbaycan milli komandası FİFA reytinqində daha iki pillə gerilədi
Milli komandaların FİFA reytinq cədvəli açıqlanıb.
"Mediasport" xəbər verir ki, Azərbaycan yığması yeni sıralamada iki pillə geriləyib.
Fernandu Santuşun baş məşqçisi olduğu kollektiv 1160 xalla 119-cu sıraya düşüb.
Buna yığmanın beynəlxalq yoldaşlıq oyunları çərçivəsində Haiti (0:3) və Belarusa (0:2) məğlubiyyətləri səbəb olub.
Reytinqə 1886.16 xalla son dünya çempionu Argentina başçılıq edir.
Millimizin DÇ-2026-nın seçmə mərhələsindəki rəqiblərindən Fransa (1852.71) üçüncü, Ukrayna (1559.81) 25-ci, İslandiya (1336.55) 74-cüdür.
