"Qarabağ" növbəti transferi bitirdi
“Qarabağ” daha bir legionerin keçidini həll edib.
"Mediasport" xəbər verir ki, Ağdam klubunun bu transfer dönəmində 6-cı yeni üzvü Renaldo Kepasdır.
"Atlılar" Yamayka milli komandasının vingeri ilə 3 illik müqaviləni razılaşdırıblar.
Son mövsümü Rusiyanın "Pari" klubunda keçirmiş 27 yaşlı futbolçu düşərgəyə Avstriyada qoşulacaq.
O, ölkəsində “Arnett Qardens”, Şimali Makedoniyada “Şkupi”, Türkiyədə “Ankaragücü”nün şərəfini qoruyub.
Kepas 2023-cü ildən yığmanın heyətində 28 oyun keçirib, 3 qolla yadda qalıb.
