"Qarabağ"ı canlı izləmək üçün 5, 10 və 20 manat ödəmək lazımdır
Martın 8-də Tofiq Bəhramov adına respublika stadionunda Premyer Liqanın 23-cü turu çərçivəsində keçiriləcək "Qarabağ" - "Araz-Naxçıvan" oyununun biletləri satışa çıxarılır.
"Mediasport" xəbər verir ki, azarkeşləri biletləri sabah saat 13:00-dan etibarən ala bilərlər.
Biletlərin qiyməti sektorlara uyğun olaraq 5, 10 və 20 manat aralığında dəyişir.
Biletlər sabah iTicket.az-da onlayn, oyun günü isə həm iTicket.az-da onlayn, həm də Tofiq Bəhramov adına Respublika stadionunun kassalarında satışda olacaq.
Qapılar azarkeşlər üçün matçın start fitindən 120 dəqiqə əvvəl açılacaq.
