"Qəbələ"dən növbəti transfer
Yeni mövsümün transfer çalışmalarını davam etdirən “Qəbələ” heyətinə daha bir futbolçu qatıb.
"Mediasport" xəbər verir ki, qanalı mərkəz müdafiəçisi İsaak Amoah “qırmızı-qaralar”ın uğurları üçün çalışacaq.
24 yaşlı futbolçu ilə "1+1" illik müqavilə imzalanıb.
Amoahın son klubu ötən mövsümün ikinci yarısında formasını geyindiyi İspaniyanın 3-cü liqa təmsilçisi “Atletiko Sanlukenyo” olub.
O, bunadək İspaniyada “Valyadolid”in U-19 və əvəzedici komandalarında, həmçinin “Algesiras”, “Tarazona”, Polşada “Poqon” klublarında da çıxış edib.
