Vüsal İsgəndərli Superliqada komandasına qələbə qazandırdı
Azərbaycanlı futbolçu Vüsal İsgəndərli futbol üzrə Albaniya Superliqasında növbəti qolunu vurub.
"Mediasport" xəbər verir ki, "Partizani"nin 31 yaşlı vingeri 24-cü turun "Tirana" ilə matçında fərqlənib.
Həmyerlimiz 37-ci dəqiqədə yekun hesabı müəyyənləşdirib - 2:0.
Liderdən 12 xal geri qalan "Partizani" 33 xalla turnir cədvəlinin 5-ci pilləsində qərarlaşıb.
O, Albaniya klubunun heyətində ümumilikdə 23 oyun keçirib, 5 qolla yadda qalıb.
