37 yaşlı keçmiş bombardir 150-ci matçında 70-ci qolunu vurdu
Sabir Allahquliyev “Qaradağ Lökbatan”ın heyətində 70-ci qolunu vurub.
"Mediasport" xəbər verir ki, bu, II Liqanın XV turuna təsadüf edib.
37 yaşlı hücumçu “Xankəndi” ilə görüşdə (1:2) hesabı açıb.
Lökbatan təmsilçisində 2013/14 mövsümündə debüt edən Sabir 70-ci qolunu 150-ci oyununda vurub. Onun orta məhsuldarlığı 0,47-yə bərabərdir.
Allahquliyev I Liqada 60 (128 oyunda), II Liqada 5 (14 oyunda), ölkə kubokunda 5 (8 oyunda) dəfə “Qaradağ Lökbatan” forması ilə fərqlənib.
Qeyd edək ki, Sabir Lökbatan klubunun heyətində 2021/22 mövsümündə 22 qolla I Liqanın bombardiri adını qazanıb.
