Aramsız leysan stadionu bərbad hala saldı, matçın yeri dəyişdirildi
Azərbaycan 2-ci Liqasında 21-ci turun bir görüşünün yeri dəyişdirilib.
"Mediasport" xəbər verir ki, bu günə planlaşdırılan “Şəmkir” - “Kür-Araz” oyunu Tovuz şəhər stadionunda baş tutacaq.
Bu barədə Peşəkar Futbol Liqası qərar çıxarıb.
Qeyri-sabit hava şəraiti və yağış qarşılaşmanın keçirilməli olduğu Şəmkir Olimpiya İdman Kompleksinin stadionunu yararsız hala salıb.
Matç saat 18:00-da başlanacaq.
