Azərbaycanda 0:10 hesabı ilə uduzan məşqçi istefa verdi
Futbol üzrə Azərbaycan 2-ci Liqasında baş məşqçi istefası qeydə alınıb.
"Mediasport" xəbər verir ki, "Araz Saatlı" Şəhriyar Məmmədovla yollarını ayırıb.
Buna komandanın "Şəfa"ya evdə 0:10 hesabı ilə uduzması səbəb olub.
Aran təmsilçisi mütəxəssislə qarşılıqlı razılaşma əsasında vidalaşıb.
Qeyd edək ki, lider "Şahdağ Qusar"dan 24 xal geri qalan Saatlı klubu 14 komandalı liqada 18 turdan sonra 28 xalla 7-ci pillədə qərarlaşıb.
