Bakıdan ayrılan yarımmüdafiəçi Portuqaliya klubuna keçdi
Premyer Liqanı tərk edən “Səbail”dən ayrılan Madi Ketanın yeni klubu məlum olub.
"Mediasport" xəbər verir ki, Qvineya-Bissau millisinin yarımmüdafiəçisi yenidən Portuqaliyada oynayacaq.
"Portu"nun yetirməsi 1-ci Liqa klubu "Penafiel"ə keçib. 26 yaşlı cinah oyunçusu 2 illik müqaviləyə qol çəkib.
Qeyd edək ki, Keta "Səbail"də çıxış etdiyi ilyarımda 32 oyuna 3 qolla yadda qaldı.
O, daha əvvəl Portuqaliyada "Portu B", "Farense", "Vilafrankeze" və "Mafra"nın uğurları üçün çalışıb.
