Azərbaycanda baş məşqçi istefası reallaşdı: Abbasov postundan getdi
Futbol üzrə Azərbaycan 1-ci Liqasında baş məşqçi istefası reallaşıb.
"Mediasport" xəbər verir ki, Qəzənfər Abbasov MOİK-dən ayrılıb.
Mütəxəssis bununla bağlı sosial şəbəkə hesabında paylaşım edib:
"Bu gün bir məşqçi kimi seçim edərək, MOİK ilə yolumu ayırmaq qərarına gəldim. Hər zaman klubun adını yüksəkdə tutmaq və uğur qazanmaq üçün əlimdən gələni etdiyimə inanıram. MOİK-ə gələcəkdə uğurlar arzulayıram".
Abbasov "hərbçilər"ə 2022-ci ilin qışından rəhbərlik edirdi.
Bu mövsüm 18 tura 22 xal toplayan MOİK 6-cı pillədə qərarlaşıb və lider "Qəbələ"dən 24 xal geri qalır.
