Azərbaycan 1-ci Liqası: "Şimal" və "Difai" kritik matçlara çıxacaqlar
Bu gün futbol üzrə Azərbaycan 1-ci Liqasında 27-cı tura start veriləcək.
"Mediasport" xəbər verir ki, ilk oyun günündə 2 qarşılaşma baş tutacaq.
Turnir cədvəlinin zirzəmisində qərarlaşan "Şimal" və "Difai" kritik oyunlara çıxacaqlar.
Hazırda 17 xalla sonuncu pillədə yer alan "Şimal" "Cəbrayıl"la üz-üzə gələcək.
18 xalla 9-cu pillədə olan "Difai" isə MOİK-in qonağı olacaq.
Çempionatı sonuncu - 10-cu pillədə bitirən komanda 2-ci Liqaya yuvarlanacaq.
9-cu yerin sahibi isə pley-off matçına çıxacaq.
Hər iki görüş "I / II Liqa" "YouTube" kanalında canlı yayımlanacaq.
Tura sabah keçiriləcək 3 oyunla yekun vurulacaq.
Azərbaycan 1-ci Liqası. 27-ci tur
21 may
17:00 MOİK - "Difai"
Hakimlər: Murad Səlimov, Safalı Ağayev, Məmmədəli Kərimov, Səbuhi Bayramov
Hakim-inspektor: Babək Quliyev
AFFA nümayəndəsi: Zümrüd Ağayeva
Binə qəsəbə stadionu.
17:00 "Cəbrayıl" - "Şimal"
Hakimlər: Əkbər Əhmədov, Anar Bədəlov, Elmin Süleymanov, Rövşən Rəcəbov
Hakim-inspektor: Əmrah İbrahimov
AFFA nümayəndəsi: Novruz Əzimov
Şamaxı OİK stadionu.
