Azərbaycan millisinin sabiq üzvü yeni klubunda ilk qolunu vurdu
Futbol üzrə Rusiya 1-ci liqasında 24-cü turun oyunları keçirilir.
"Mediasport" xəbər verir ki, Azərbaycan millisinin (U-19) sabiq üzvü Sadiq Bağıyevin formasını geyindiyi “Torpedo” “Nefteximik”lə üz-üzə gəlib.
Paytaxt klubu rəqibini 3 cavabsız qolla məğlub edib. Matça 45-ci dəqiqədə qoşulan həmyerlimiz 3 dəqiqə sonra komandasının ikinci qolunu vurub.
Bu, yarımmüdafiəçinin yeni klubunda ilk qolu olub.
“Torpedo” 24 turdan sonra 27 xalla turnir cədvəlinin 15-ci pilləsində qərarlaşıb.
