"Mingəçevir" Premyer Liqa yolunda, "Səbail" 1-ci Liqada qaldı
Azərbaycan 1-ci Liqasında 2025/2026-cı illər mövsümünə yekun vurulub.
"Mediasport" xəbər verir ki, ikinci oyun günündə 3 qarşılaşma baş tutub.
"Mingəçevir" doğma azarkeşlər önündə "Səbail"i böyük hesabla məğlub edərək (4:1) Premyer Liqa üçün "Qəbələ" ilə pley-off oyununa vəsiqəni rəsmiləşdirib.
"Baku Sportinq" "Şahdağ Qusar"la heç-heçə (1:1) oynayıb və elitaya çıxmaq şansını itirib.
Xatırladaq ki, dünən reallaşan iki oyundan sonra "Difai" 2-ci Liqaya düşüb.
"Şimal" yarışda qalmaq üçün 2-ci Liqanın 2-cisi olmuş "Qaradağ Lökbatan"la pley-off görüşü keçirəcək.
"Şəfa" isə çempionluğunu əvvəldən rəsmiləşdirərək Premyer Liqaya vəsiqəni təmin edib.
Azərbaycan 1-ci Liqası. 27-ci tur
"Zaqatala" - "Şəfa" 2:1
Hakimlər: Ruslan Quliyev, Səbuhi Soltanov, Səbuhi Əmrahov, Elçin Abdullayev
Hakim-inspektor: Rövşən Əhmədov
AFFA nümayəndəsi: Namiq Əliyev
Zaqatala OİK stadionu.
"Şahdağ Qusar" - "Baku Sportinq" 1:1
Hakimlər: Kamal Umudlu, Vüsal Məmmədov, Taleh Məmmədov, Namiq Bəkirov
Hakim-inspektor: Şahin Cəfərov
AFFA nümayəndəsi: İlham Əliyev
Şamaxı OİK stadionu.
"Mingəçevir" - "Səbail" 4:1
Hakimlər: Elçin Məsiyev, Qəzənfər Məmmədov, Asif Abdullayev, Şamil İmanzadə
Hakim-inspektor: Asim Xudiyev
AFFA nümayəndəsi: Nəriman Axundov
Y.Məmmədzadə adına Mingəçevir şəhər stadionu (ehtiyat meydança)
