"Neftçi"nin azarkeşləri "Qarabağ"la matça avtobuslarla yollanacaqlar
"Neftçi" oktyabrın 17-də Premyer Liqanın 8-ci turu çərçivəsində keçiriləcək “Qarabağ”la oyunla bağlı növbəti dəfə azarkeşlərinə müraciət ünvanlayıb.
"Mediasport" xəbər verir ki, paytaxt klubu tərəfdarları üçün xüsusi avtobuslar ayırrdığını bildirib.
"Ağ-qaralar" azarkeşlərinə Tofiq Bəhramov adına Respublika stadionunun 21, 22 və 23-cü sektorlarında 3130 bilet ayrılıb:
"21,22 və 23-cü sektorlara daxil olmaq istəyən “Neftçi” azarkeşlərindən oktyabrın 17-si saat 17.00-da sözügedən arenanın “B” girişinə yaxınlaşmaları xahiş olunur.
Stadiona giriş yalnız xüsusi QR kodla aparıldığına görə 30 klub əməkdaşı və 50-yə yaxın “Neftçi” könüllüsü azarkeşlərimizin sektorlara rahat keçməsi və oyunu tribunadan izləməsi üçün bütün texniki məsələləri həll edəcək.
Oyun günü Tofiq Bəhramov adına Respublika stadionun “B” girişində biletin səni gözləyir!
Matçı 25, 26, 27 və 28-ci sektorlarda “Forza Neftçi” Azad Azarkeş Qrupu ilə birgə izləmək istəyənlər üçün isə biletlərin əldə edilməsi prosesi “Palms Sports Arena”nın kassalarında davam edir.
Oyun günü saat 17.00-dan etibarən xüsusi ekspres avtobuslar biletli azarkeşlərin “Palms Sports Arena”dan Tofiq Bəhramov adına Respublika stadionuna daşınmasını həyata keçirəcək.
Tribunada yerini al, 90 illiyimizdə yanımızda ol!".
Qeyd edək ki, qarşılaşma saat 19:00-da başlanacaq.
