"Qəbələ" kapitanla da vidalaşdı
“Qəbələ” daha bir futbolçu ilə vidalaşıb.
"Mediasport" xəbər verir ki, bölgə təmsilçisi kapitan Murad Musayevlə başa çatan müqaviləni yenilənməyib.
“Qəbələ” Futbol Akademiyasının yetirməsi olan müdafiəçi 2012-2013-cü illər mövsümündə komandanın heyətində Azərbaycan Premyer Liqasında debüt edib.
M.Musayev “Qəbələ”nin heyətində Azərbaycan Premyer Liqasında və ölkə kubokunda 173 oyunda meydana çıxıb və 4 qol vurub.
O, “Qəbələ”də 2023-cü ildə Azərbaycan kubokunun qalibi olub.
Xatırladaq ki, şimallılar daha əvvəl İbrahim Sanqare, Rüfət Əhmədov, Turan Manafov, Rza Cəfərov və Sambu Sissokonu yola salıblar.
