Tarixdə ikinci dəfə ən titullu klublar kubokun ilk matçında uduzdular
Azərbaycan Kuboku tarixində ikinci dəfə yarımfinal mərhələsinin ilk oyunlarında turnirin iki ən titullu klubu məğlub olub.
"Mediasport" xəbər verir ki, sonuncu belə hal 2003/2004 mövsümündə qeydə alınıb.
Həmin vaxt "Neftçi" səfərdə "Bakılı"ya 0:1, "Qarabağ" isə evdə "Şəmkir"ə 1:2 hesabı ilə uduzub.
Ötən gün isə Ağdam təmsilçisi səfərdə "Araz-Naxçıvan"a (0:1), "Neftçi" isə evdə "Sabah"a (1:2) yenilib.
Qeyd edək ki, “Neftçi” 21-ci, “Qarabağ” 20-ci dəfə yarımfinaldadır.
