Azərbaycan klublarının Avropa Kuboku duelini "Neftçi" qazandı
Azərbaycanın basketbol klubları FİBA Avropa Kubokunun əsas mərhələsində növbəti oyunlarını keçiriblər.
"Mediasport" xəbər verir ki, I qrupunda yer alan iki təmsilçimiz - "Abşeron Lions" və "Neftçi" üçüncü tur çərçivəsində üz-üzə gəliblər.
Bakı İdman Sarayında baş tutan matç "ağ-qaralar"ın qələbəsi ilə yekunlaşıb - 104:86.
Xal ehtiyatını 5-ə çatdıran "Neftçi" qrupda liderliyə yüksəlib, 1 oyun az keçirmiş "Trefl"in (Polşa) 4 xalı var.
"Kalev" (Estoniya) 2 görüşdən sonra 3 xalla 3-cü, 3 tur oynamış "Abşeron Lions" isə 3 xalla sonuncu sırada qərarlaşıb.
Xatırladaq ki, "Abşeron Lions" daha əvvəl "Trefl" (96:99) və "Kalev"ə (85:93) uduzub.
"Neftçi" isə "Kalev"ə (95:84) qalib gəlib, "Trefl"ə məğlub olub (63:92).
