"Neftçi" və "Sabah" da məğlub oldu
Azərbaycanın daha iki basketbol klubu avrokuboklarda məğlubiyyətlə üzləşib.
"Mediasport" xəbər verir ki, son ölkə çempionu "Sabah" FİBA Çempionlar Liqasının müntəzəm mövsümünün qrup mərhələsinin ikinci turunda səfərdə "Trabzonspor"a uduzub - 83:100.
"Neftçi" isə FİBA Avropa Kubokunun qrup mərhələsində Bakı İdman Sarayında "Riqa"ya (Latviya) məğlub olub - 94:110.
Qeyd edək ki, ötən gün "Gəncə" Yunanıstanın "Kolossos" (62:80), "LANDAU Lions" Slovakiyanən "Prievidza" kollektivləri ilə bacarmamışdı (84:108).
