"Qarabağ" Çempionlar Liqasında "Napoli" ilə qarşılaşır - YENİLƏNİR
Azərbaycanın UEFA Çempionlar Liqasında təmsilçisi "Qarabağ" Liqa mərhələsində bu gün növbəti matçını keçirəcək.
"Mediasport" xəbər verir ki, Qurban Qurbanovun komandası 5-ci tur çərçivəsində çətin İtaliya səfərində "Napoli"nin qonağı olacaq.
Antonio Kontenin baş məşqçisi olduğu neapollular 4 turdan sonra 4 xalla 24-cü sırada qərarlaşıblar.
Daha yaxşı vəziyyətdə olan "atlılar" isə 7 xalla 15-ci sırada yer alıblar.
Matç Bakı vaxtilə saat 00:00-da başlanacaq.
UEFA Çempionlar Liqası. Liqa mərhələsi. 5-ci tur
00:00. “Napoli” (İtaliya) - “Qarabağ” (Azərbaycan)
Baş hakim: Şimon Marçinyak
Yan xətt hakimləri: Tomaş Listkeviç, Adam Kupsik
Dördüncü hakim: Voyçex Miç (hamısı Polşa)
VAR: Pol van Boekel (Niderland)
AVAR: İvan Bebek (Xorvatiya)
Neapol, “Dieqo Armando Maradona” stadionu.
