"Azərbaycan futbolunun gələcəyi"
"Nəriman Axundzadə - UEFA Çempionlar Liqasının təsnifat mərhələlərində 2 qol və 2 məhsuldar ötürmə!".
"Mediasport" xəbər verir ki, bu sözləri 230 mindən çox izləyicisi olan məşhur "Football Talent Scout" portalı "Qarabağ"ın hücumçusu Nəriman Axundzadə haqqında etdiyi paylaşımda yazıb.
Nərimana həsr edilən paylaşımda o, Azərbaycan futbolunun gələcəyi adlandırılıb:
"Qarabağ" Futbol Akademiyasının məzunu olan və hazırda əsas komandada çıxış edən Nəriman klubun əsrarəngiz uğurunda pay sahibi oldu. Nəticədə, "Qarabağ" tarixində ikinci dəfə UEFA Çempionlar Liqasının əsas mərhələsinə vəsiqəni təmin etdi".
Xatırladaq ki, "Qarabağ" pley-offda "Ferensvaroş"u mübarizədən kənarlaşdırıb (3:1, 2:3).
