Azərbaycan millisi Moldova və Yaponiya yığmaları ilə qarşılaşacaq
Qəbələdə təlim-məşq toplanışında olan 20 yaşadək futbolçulardan ibarət Azərbaycan millisi hazırlığın ikinci mərhələsi çərçivəsində iki yoldaşlıq oyunu keçirəcək.
"Mediasport" xəbər verir ki, komandamız oktyabrın 3-də Moldova, oktyabrın 6-da isə Yaponiya yığması ilə qarşılaşacaq.
Hər iki görüş Qəbələ şəhər stadionunda baş tutacaq.
Oyunların başlanma saatı ilə bağlı daha sonra məlumat veriləcək.
Qeyd edək ki, U-20-nin təlim-məşq toplanışının ikinci mərhələsi sentyabrın 24-dən oktyabrın 6-dək davam edəcək.
