Çempionlar Liqasında 1/8 final mərhələsi 4 oyunla yekunlaşacaq
Bu axşam futbol üzrə UEFA Çempionlar Liqasında 1/8 final mərhələsinə yekun vurulacaq.
"Mediasport" xəbər verir ki, cavab qarşılaşmalarının ikinci oyun günündə 4 matç keçiriləcək.
Azarkeşlər İspaniyada Madrid derbisinin şahidi olacaqlar.
Qeyd edək ki, 1/4 final mərhələsinin ilk oyunları aprelin 8-9-da, cavab görüşləri 15-16-da baş tutacaq. Dünən PSJ, "Barselona", "İnter" və "Bavariya" adlarını 1/4 finala yazdırıb.
UEFA Çempionlar Liqası. 1/8 final. Cavab oyunları
21:45. “Lill” (Fransa) - “Borussiya” (Dortmund, Almaniya) İlk oyun - 1:1
00:00. “Atletiko” (İspaniya) - “Real” (İspaniya) İlk oyun - 1:2
00:00. “Arsenal” (İngiltərə) - PSV (Niderland) İlk oyun - 7:1
00:00. “Aston Villa” (İngiltərə) - “Brügge” (Belçika) İlk oyun - 3:1
