Hakimləri təhqir edən məşqçiyə verilən cəza qüvvədə saxlanıldı
AFFA-nın Apellyasiya Arbitraj Tribunalı başa çatan mövsümdə Azərbaycan I Liqasında çıxış edən "Qaradağ Lökbatan" klubunun baş məşqçisi Amit Quluzadə tərəfindən verilən apellyasiya şikayətini təmin etməyib.
"Mediasport" xəbər verir ki, AFFA İntizam Komitəsinin mayın 21-də verdiyi qərar qüvvədə saxlanılıb.
Qeyd edək ki, Amit Quluzadə I Liqanın XXVI turunda "Karvan"la oyun bitdikdən sonra hakimləri təhqir etdiyi üçün beş oyunluq cəza alıb.
