34 komanda arasında 3-cü olduq
Çimərlik voleybolu üzrə oğlanlardan ibarət U-20 Azərbaycan millisi Baltikyanı ölkələrin açıq çempionatında uğurla çıxış edib.
"Mediasport" xəbər verir ki, yığmamız Latviyanın paytaxtı Riqada keçirilən yarışda bürünc medal qazanıb.
İbrahim Məmmədov/Muhəmməd Aslanlı cütü üçüncü yeri 34 komanda arasında tutub.
Ölkəmiz turnirdə həm qız, həm də oğlan komandaları ilə təmsil olunub.
Qızların yarışında isə 27 komanda arasında mübarizə aparan Səbinə Əlizadə/Leyla Əliyeva cütü turniri 12-ci pillədə başa vurub.
