AFFA stadion probleminə görə "Neftçi"ni 2000 manat cərimələdi
AFFA İntizam Komitəsinin iclası keçirilib.
"Mediasport" xəbər verir ki, iclasda Misli Premyer Liqasının II turunun oyunları ilə bağlı aşağıdakı qərarlar qəbul olunub:
22.08.2026-cı il tarixində Misli Premyer Liqasında II turun “Zirə” – “İmişli” oyununda “İmişli” komandasının 5 futbolçusu sarı vərəqə aldığı üçün “İmişli” komandası 700 manat cərimə edilsin (maddə 43.1);
23.08.2026-cı il tarixində Misli Premyer Liqasında II turun “Neftçi” – “Araz-Naxçıvan” oyununda stadionun işıqlandırılmasında yaranan problem səbəbindən matç 4 dəqiqə dayandığı üçün “Neftçi” komandası 2000 manat cərimə edilsin (maddə 60.2);
