"Difai" 2-ci Liqaya yuvarlandı, "Şimal" pley-off matçına çıxacaq
Futbol üzrə Azərbaycan 1-ci Liqasında 27-cı tura start verilib.
"Mediasport" xəbər verir ki, ilk oyun günündə 2 qarşılaşma baş tutub.
Turnir cədvəlinin zirzəmisində qərarlaşan "Şimal" və "Difai" kritik oyunlara çıxıblar.
MOİK "Difai"ni məğlub edib (4:0), "Şimal" isə dramatik oyunda "Cəbrayıl"ı 3:2 hesabı ilə üstələyib.
Nəticədə, "Difai" 2-ci Liqaya yuvarlanıb.
"Şimal" 2-ci Liqanın 2-cisi olmuş "Qaradağ Lökbatan"la pley-off matçına çıxacaq.
Xatırladaq ki, tura sabah keçiriləcək 3 oyunla yekun vurulacaq.
Azərbaycan 1-ci Liqası. 27-ci tur
21 may
MOİK - "Difai" 4:0
Hakimlər: Murad Səlimov, Safalı Ağayev, Məmmədəli Kərimov, Səbuhi Bayramov
Hakim-inspektor: Babək Quliyev
AFFA nümayəndəsi: Zümrüd Ağayeva
Binə qəsəbə stadionu.
"Cəbrayıl" - "Şimal" 2:3
Hakimlər: Əkbər Əhmədov, Anar Bədəlov, Elmin Süleymanov, Rövşən Rəcəbov
Hakim-inspektor: Əmrah İbrahimov
AFFA nümayəndəsi: Novruz Əzimov
Şamaxı OİK stadionu.
