Elçin Məsiyev Avropa Liqasında "Dinamo"nun oyununa təyinat aldı
FİFA referisi Elçin Məsiyev UEFA-dan növbəti dəfə təyinat alıb.
"Mediasport" xəbər verir ki, ədalət təmsilçisi bu həftə Avropa Liqasında iş başında olacaq.
O, Liqa mərhələsinin sonuncu tuur çərçivəsində Danimarkada keçiriləcək "Midtyulland" - "Dinamo" (Zaqreb, Xorvatiya) görüşünü idarə edəcək.
Məsiyevə yan xətdə Elşad Abdullayev və Pərvin Talıbov kömək göstərəcəklər.
Dördüncü hakim funksiyasını Kamal Umudlu yerinə yetirəcək.
Yanvarın 29-dan 30-na keçən gecə reallaşacaq qarşılaşma Bakı vaxtı ilə saat 00:00-da start götürəcək.
