"Futbolçulara demişəm ki, belə oynamağa haqqımız yoxdur"
"Mediasport" "Neftçi"nin baş məşqçisi Yuri Vernidubun Azərbaycn Premyer Liqasının 5-ci turunun "İmişli" ilə səfər oyunundan sonrs keçirilən mıtbuat konfransında səsləndirdiyi fikirləri təqdim edir.
Niyə belə çətin qələbə qazandınız?
- Birinci hissədə istədiyimiz kimi oynayırıq. Hansısa komanda 0:2 öndə olarkən hesab bərabərləşirsə, bu, yaxşı hal deyil. Futbolçulara demişəm ki, belə oynamağa haqqımız yoxdur, eyni səhvləri təkrarlamalı deyilik. Anlayıram ki, süni örtüklü meydançada oynamaq çətindir. Amma "İmişli" də eyni meydançada oynayır. Səhvləri araşdıracağıq, hər kəslə danışacağıq. Çox yersiz 2 qol buraxdıq. Bunları etməməli idik.
Oyun bitəndən sonra hakimə narazılığınızı bildirirdiniz?
- Hakimə narazı olduğum hansısa məqamla bağlı heç nə demədim.
Qustavo Klisman gözəl qol vurdu. Bu, mövsümün qolu seçilə bilər?
- Bəli, bundan da yaxşı qollar görmüşəm. Məni sevindirən odur ki, yeni oyunçular performanslarını artırıblar. Digər xoş tərəf isə odur ki, meydana sonradan buraxdığımız futbolçu belə gözəl qol vurdu və bizə qələbə qazandırdı.
Müdafiə xəttində çıxış edən futbolçuları tez-tez dəyişmək oyuna mənfi təsir etmir?
- Axtarışdayıq. Mərkəz müdafiəçiləri ilə digər oyunçular arasında əlaqələri yoxlamaq üçün bu cür gedişlər edirik. Əsas odur ki, əlimizdə 4 yaxşı mərkəz müdafiəçisi var. Hamı oynamaq istəyir. Çalışacağıq ki, hamıya şans verək.
Bassala Sambunun adı oyunun iştirak ərizəsində yox idi. O, komandadan gedir?
- Bunu zaman göstərəcək. Hələ ki, bizimlədir. Bəzi nüanslar var ki, komandanın daxilindədir. Bunları araşdıracağıq. Sambu başa düşməlidir ki, futbola futbol kimi yanaşmaq lazımdır.
