Millimizin futbolçusu "Bayern"ə məğlubiyyəti kənardan izlədi
Qadın futbolçulardan ibarət Azərbaycan millisinin üzvü Nigar Mirzəliyevanın formasını geyindiyi "Hamburq" Almaniya Bundesliqasında növbəti oyununu keçirib.
"Mediasport" xəbər verir ki, komanda 26-cı tur çərçivəsində evdə lider "Bayern"lə qarşılaşıb.
Qarşılaşma qonaqların minimal hesablı qələbəsi ilə yekunlaşıb. Müdafiəçi bu matçda forma şansı qazanmayıb.
"Hamburq" 14 komandalı liqada 18 xalla turnir cədvəlinin 12-ci pilləsində qərarlaşıb.
