Ronaldudan 925-ci qol - VİDEO
Dünya futbolunun canlı əfsanəsi Kriştianu Ronaldu karyerası ərzində vurduğu qolların sayını 925-ə çatdırıb.
"Mediasport" xəbər verir ki, Səudiyyə Ərəbistanının "Əl Nəsr" komandasında çıxış edən 40 yaşlı forvard buna Pro Liqanın 22-ci turunun "Əl Vəhdə" ilə qarşılaşmasında nail olub.
Portuqaliyalı superulduz Riyad təmsilçisinin 2:0 hesabı ilə qalib gəldiyi görüşün 48-ci dəqiqəsində hesabı açıb.
Matçda digər qolu sabiq "Liverpul"lu Sadio Mane vurub.
Hücumçu bir müddət əvvəl peşəkar karyerasında vurduğu qolların sayını rəsmən 1000-ə çatdırmaq arzusunda olduğunu açıqlamışdı.
