Millimiz Avropa çempionatında ikinci matçında da bərabərə qaldı
Azərbaycanın 17 yaşadək futbolçulardan ibarət millisi Avropa çempionatının seçmə mərhələsinin II raundunda növbəti oyunu keçirilib.
"Mediasport" xəbər verir ki, B liqasının 2-ci qrupunda yer alan komandamız Litva yığması ilə qarşılaşıb.
Bolqarıstanın Plovdiv şəhərində baş tutan görüşdə qapılara qol vurulmayıb.
Xatırladaq ki, U-17 daha əvvəl qrupda meydan sahibi Bolqarıstan yığması ilə bərabərə qalıb (1:1).
Millimizin son matçı martın 30-da Malta seçməsinə qarşı olacaq.
