Avropa çempionatında pley-off: Millimiz Türkiyə yığmasına qarşı
Qadın voleybolçulardan ibarət Azərbaycan yığma komandası bu gün Avropa çempionatında pley-off oyununu keçirəcək.
"Mediasport" xəbər verir ki, Faiq Qarayevin baş məşqçi olduğu kollektiv 1/8 finalda Türkiyə millisinin qonağı olacaq.
İstanbuldakı "Sinan Erdem" idman zalında baş tutacaq görüş Bakı vaxtı ilə saat 20:00-da start götürəcək.
Xatırladaq ki, komandamız Bakıda reallaşan C qrupunun matçlarında 3-cü olaraq pley-offa yüksəlib, Türkiyə seçməsi isə A qrupunda ikinci yeri tutub.
