"Qarabağ" və "Sumqayıt" klubları azarkeşlərinə görə cərimələndilər
AFFA İntizam Komitəsinin iclası keçirilib.
"Mediasport" xəbər verir ki, toplantıda "Qarabağ" və "Sumqayıt" klublarının cərimə edilməsi qərara alınıb.
Hər iki kollektivi ziyana azarkeşləri salıblar.
Ağdam təmsilçisinin azarkeşləri Premyer Liqanın "Kəpəz"lə 27-ci tur oyunundan sonra pirotexniki vasitədən istifadə ediblər.
Sumqayıtlı fanatlar isə analoji hərəkəti “Turan Tovuz”la matçda ediblər.
Hər iki komanda 1500 manat cərimə ödəyəcək.
