İntizam Komitəsi "Neftçi"ni 2000, "Qarabağ"ı 2500 manat cərimələdi
AFFA İntizam Komitəsinin iclası keçirilib.
"Mediasport" xəbər verir ki, İntizam Komitəsinin bu gün keçirilən iclasında aşağıdakı qərarlar qəbul edilib:
Misli Premyer Liqası XVII tur
23 yanvar 2026-cı il tarixində Misli Premyer Liqasında XVII turun “İmişli” – “Araz-Naxçıvan” oyununda “İmişli” komandasında 6 nəfər sarı vərəqə aldığı üçün “İmişli” komandası 700 manat cərimə edilsin (maddə 43.1);
23 yanvar 2026-cı il tarixində Misli Premyer Liqasında XVII turun “İmişli” – “Araz-Naxçıvan” oyununda “Araz-Naxçıvan” komandasının 4 futbolçusu sarı vərəqə aldığı üçün “Araz-Naxçıvan” komandası 700 manat cərimə edilsin (maddə 43.1);
23 yanvar 2026-cı il tarixində Misli Premyer Liqasında XVII turun “Neftçi” – “Zirə” oyununda oyun günü planı pozulduğuna görə “Neftçi” komandası 2000 manat cərimə edilsin (maddə 61.1);
24 yanvar 2026-cı il tarixində Misli Premyer Liqasında XVII turun “Qarabağ” – “Kəpəz” oyunu bitdikdən sonra meydançaya kənar şəxs daxil olduğuna görə “Qarabağ” komandası 2500 manat cərimə edilsin (maddə 86.3);
25 yanvar 2026-cı il tarixində Misli Premyer Liqasında XVII turun “Sabah” – “Karvan-Yevlax” oyununda “Sabah” komandasında 5 nəfər sarı vərəqə aldığı üçün “Sabah” komandası 700 manat cərimə edilsin (maddə 43.1).
