"Qarabağ" İspaniya La Liqasında oynamış futbolçunu transfer etdi
Yay hazırlığını davam etdirən "Qarabağ" növbəti transferini reallaşdırıb.
"Mediasport" xəbər verir ki, Ağdam təmsilçisi Xoni Montieli heyətinə qatıb.
26 yaşlı hücumameyilli yarımmüdafiəçi son olaraq İspaniyanın "Rayo Valyekano" klubunda oynayıb.
O, Pireney yarımadasında "Levante", "Valyadolid", "Burqos", "Toledo" klublarında da çıxış edib.
"Rayo Valyekano"nun yetirməsi karyerası ərzində 221 oyuna 21 qol vurub və 18 qolun ötürməsini edib.
Qeyd edək ki, "Qarabağ" bunadək Dani Bolt, Pedro Bikalyo, Kris Kuaku və Sami Mmae ilə güclənib.
