Özbəkistan milli komandasının üzvü Azərbaycanda oynayacaq
2024/25 mövsümünün ikinci yarısı üçün transfer çalışmalarını davam etdirən “Sumqayıt” daha bir futbolçunun keçidini reallaşdırıb.
"Mediasport" xəbər verir ki, komanda son olaraq Özbəkistanın “Nasaf” klubunda çıxış etmiş Bobur Abdikholikov ilə mövsümün sonuna qədər sözləşmə imzalayıb.
Müqavilədə 1 il uzatmaq şərti qeyd olunub.
27 yaşlı hücumçu “9” nömrəli formada çıxış edəcək.
Qeyd edək ki, Bobur Abdikholikov karyerası ərzində Özbəkistanın “Nasaf”, Ukraynanın “Rux” (Lvov), Belarusun “Energetik” (Minsk) və Qazaxıstanın “Ordabası” klublarının şərəfini qoruyub.
Özbəkistan millisinin futbolçusu adıçəkilən ölkənin U-19, U-22 və U-23 millilərində də çıxış edib.
