İki güləşçimiz yarımfinala çıxdı, Eldəniz "bürünc" üçün güləşəcək
Xorvatiyanın paytaxtı Zaqrebdə güləş üzrə dünya çempionatı davam edir.
"Mediasport" xəbər verir ki, yarışın 7-ci günündə Azərbaycanın 3 yunan-Roma təmsilçisi mübarizəyə qoşulub.
Nihat Məmmədli (60) 1/4 finalda məğlub olub, Ülvi Qənizadə (72 kq) və Murad Əhmədiyev (97 kq) yarımfinala yüksəlib.
Axşam seansında 4-qat dünya çempionumuz Eldəniz Əzizli bürünc medal uğrunda güləşəcək.
Qeyd edək ki, hazırda yığmamızın hesabında cəmi 4 medal var - sərbəst güləşçilərdən Giorgi Meşvildişvili (125 kq) gümüş, Nürəddin Novruzov (61 kq), Arseniy Djioyev (86 kq) və Osman Nurmaqomedov (92 kq) bürünc mükafat əldə ediblər.
Mundial sentyabrın 21-də yekunlaşacaq.
