"Şəfa"da növbəti legioner - RƏSMİ
Premyer Liqaya hazırlaşan “Şəfa” növbəti transferini reallaşdırıb.
"Mediasport" xəbər verir ki, paytaxt klubu Maudo Lamin Jarje ilə anlaşıb.
Qambiyalı mərkəz müdafiəçisi ilə 2 illik müqavilə imzalanıb.
28 yaşlı afrikalı 2017-2019-cu illərdə Azərbaycanda "Səbail"də oynayıb.
Peşəkar futbolçu karyerasına Portuqaliyanın “Jil Visente” klubunda başlamış Jarje Avstriyanın “Austria” (Vyana), İsveçin “Elfsborq”, Slovakiyanın “Slovan” (Bratislava), Norveçin “Sannefyor” və Şimali Makedoniyanın “Struqa” komandalarında da çıxış edib.
O, 2 dəfə Qambiya millisinin formasını geyinib.
