"Zirə" "Kəpəz"i məğlub edərək turnir cədvəlində 2-ciliyə yüksəldi
Azərbaycan Premyer Liqasında dünən təxirə salınan bir matçla 24-cü tura yekun vurulub.
"Mediasport" xəbər verir ki, "Zirə" doğma meydanda "Kəpəz"i məğlub edərək turnir cədvəlində 2-ci sıraya yüksəlib.
Eyni xala malik "Araz-Naxçıvan" 3-cü yerə düşüb.
Turun əvvəlki görüşlərində "Neftçi" "Sumqayıt"ı, "Turan Tovuz" "Şamaxı"nı məğlub edib (1:0), "Araz-Naxçıvan" "Səbail"lə (0:0), "Qarabağ" isə "Sabah"la bərabərə qalıb (1:1).
Azərbaycan Premyer Liqası. 24-cü tur
“Zirə” - "Kəpəz” 2:0
Qollar: Rafael Utziq, 61, Rüstəm əhmədzadə, 90+2.
Hakimlər: Rauf Cabarov, Rahil Ramazanov, Teymur Teymurov, Elçin Məsiyev
VAR: Cavid Cəlilov
AVAR: Kamran Bayramov
Zirə İdman Kompleksinin stadionu
