AVRO-2026: Azərbaycan millisi Bakıda Xorvatiya yığmasına qarşı
Futzal üzrə Azərbaycan milli komandası bu gün AVRO-2026-nın əsas qrup mərhələsində son oyununu keçirəcək.
"Mediasport" xəbər verir ki, Vitali Borisovun baş məşqçisi olduğu kollektiv 5-ci qrupun 6-cı turu çərçivəsində Bakıda Xorvatiya seçməsi ilə qarşılaşacaq.
Yığmamız üçün formal xarakter daşıyan matçda rəqibimiz qrup lideridir.
"Damalılar"ın aktivində 15 xal var. Yunanıstan 7 xalla ikinci, İsveç 4 xalla üçüncü, Azərbaycan isə 2 xalla sonuncu pillədə qərarlaşıb.
Komandamız qrupda Bakıda Yunanıstan (2:2) və İsveç (3:3) milliləri ilə heç-heçə edib.
AVRO-2026. Əsas mərhələ. 5-ci qrup. 6-cı tur
20:00 Azərbaycan - Xorvatiya
Hakimlər: Yianqos Yianqu, Nikolas Nikolau, Teoçaris Teoçarus (Hakimlər briqadası Kiprdəndir)
Hakim-inspektor: Gergyi Bitri (Malta)
UEFA nümayəndəsi: Massimo Nanni (San Marino)
Bakı İdman Sarayı.
