Qurban Qurbanovun rəhbərliyində "Qarabağ" 1000 qol həddini keçdi
"Qarabağ" Qurban Qurbanovun baş məşqçiliyi dönəmində 1000 qol həddini keçib.
"Mediasport" xəbər verir ki, yubiley qolu Premyer Liqanın 22-ci turunun "Sabah"la oyununda qeydə alınıb.
Ağdam klubunun Qurbanovun rəhbərliyi altında 1000-ci qolunun müəllifi kolumbiyalı Kevin Medina olub.
Musa Qurbanlı isə atasının rəhbərlik etdiyi kollektivə görüşün son dəqiqələrində 1001-ci qolu bəxş edib.
Xatırladaq ki, qarşılaşma 3:3 hesabı ilə başa çatıb.
