AFFA nümayəndəsi Zamiq Əliyevin komandasının oyununa təyinat aldı
AFFA-nın Sosial Ətraf mühit dayanıqlığı üzrə meneceri Kifayət Mustafayeva UEFA-dan təyinat alıb.
"Mediasport" xəbər verir ki, qurum rəsmisi Avropa Konfrans Liqasının III təsnifat mərhələsinin "Eqnatiya" (Albaniya) - "Olimpiya" (Sloveniya) matçında UEFA nümayəndəsi olacaq.
Azərbaycanlı futbolçu Zamiq Əliyev də Albaniya klubunda forma geyinir.
Görüş Albaniyanın Rroqojine şəhərindəki “Eqnatia” stadionda keçiriləcək.
Xatırladaq ki, komandalar arasında Sloveniyadakı ilk görüşdə hesab açılmayıb.
