Azərbaycan çempionatının daha iki oyunu "FİFA+TV"də yayımlanacaq
AFFA ilə FIFA arasında imzalanmış lisenziya müqaviləsi çərçivəsində AFFA-nın bayrağı altında keçirilən Yüksək Qızlar Liqasında daha iki oyun "FİFA+TV" tərəfindən canlı yayımlanacaq.
"Mediasport" xəbər verir ki, XVIII tur çərçivəsində aprelin 1-də keçiriləcək “Şəfa” – “Liman” (14:00) matçı və aprelin 5-də təşkil olunacaq “Baku Juniors” – “Dirçəliş” (15:00) görüşü platformada göstəriləcək.
Qeyd edək ki, saziş lisenziya müddəti ərzində - 2028-ci il sentyabrın 1-dək AFFA-nın bayrağı altında təşkil edilən yarışlardan seçilmiş matçları və video məzmunu (materialı) əhatə edir.
Bu proqrama Azərbaycanın qadınlardan ibarət milli komandasının yoldaşlıq oyunları və Millətlər Liqasının seçmə görüşləri, AFFA-nın bayrağı altında keçirilən aşağı yaş qrupları üzrə liqalar, Yüksək Qızlar Liqası, həmçinin sənədli filmlər və tələb üzrə video məzmun daxildir.
